Av Robert Sanga
Kan biakmi Pa, Fapa, le
Thiangthlarau hi a fim tukmi an si. Kan umnak vawlei pinah relchawk loh vawlei
a tuahsertu an si. An fim bantukin, an tuahsermi minung hna hi fim ve seh tiah an duh
hrimhrim. Fimthiamnak hi lamtawinakin phunhnih thenin then khaw si. Phunkhat
cu, teori fimthiamnak (siangkai cawnnak) a si i, phnundang cu, praktisk fimthiamnak
a si.
Ne Win, Than Swe, Khin Ngunt, Min Aung Hliang hna khuachia bangin, an
sualral tuk caah a ramchung ummi nih siangkai fiamthiamnak hi thatein an cawnkho
huahai loh. Siangin fimthiamnak tlawmtein neih caah mah le mah i nautatt ding a si loh. A ruang cu, kan palh a si
lovin, uknak thalo, sehtan a biakmi cozah tha lo hna an palhmi a si. Zei va si
zongah praktisk fiamthiamnak a neimi kan tam tuk thiamthiam ko.
A biapi cemmi cu, fiamthiamnak kan neihmi hi a hmanzia kan thiam a biapi
ko. Midang caah thlasuah kan sih loh a si ah cun, zeitluk kan fimthiam zongah a
santlai loh. Jet-fighter kahzia thiammi
hi teori le praktisk a thiammi an si. Min Aung Hliang nih jet fighter
kahziathiam ral-lo-kap hna mipi thatnak caah a hmanter lengmi hi ning-hngal
(mihrutt tha-lo) a si, an sih ruangah si. Fimthiamnak a si hrim loh.
Teori le praktisk fimthiamnak kan duh ah cun, thathu lo i, lungsautein cawn huam a biapi. Kei le bang hi Kawlramah kum 10, India ramah kum 11, Norway ramah kum 10, zapi fawn ah cun, kum 31 chung bak siang ka rak kai ve, zei tlukin ka lungsau tihmi cu, tampi tial a hau men la loh.
Kan fim, kan thiamnak caah siangkai lawng hi a biapimi a si hrim loh. Ei le bar ningzia kan thiam a biapi, cun, kan tak ngamdamnak caah trening (aktiviteter) tuahzia zong kan thiam a biapi tuk. Rawltamtuk ei len (pawpuar-overvektige), thathu - can saupi it huam tak, zu le sa duh tuk pinah biathalo chimh huam tak – ti bantuk hi hruttnak tha lo an si.
Kan theih hngalhmi nih a chei loh tik can a phan tikah kan mah hnakin, a fimthiam deuh hna sinah bawmh halzia kan thiam a biapi tuk. Teori le praktisk fimthiamnak a cawnmi hna kan si le bangah cun, Bawipa sinah fimthiamnak kan hal hrimhrim, a biapi tuk.
Cun, fa neimi hna kan si ah cun, kan fale an fimthiamnak caah thlachuah kan pek len a biapi tak. Nu le pa nih kan fale fimthiamnak hnga caah thlachuah pek timi hi a biapi taktakmi a si. Kan ngamdamnak nih a chei ah cun, mah ca lawng si lovin, nupi, fale, unau, bu, le khuatlang hawi le hna ca zongah rawl-ulh thlacampiak hi fimthiamnak hramthawk a si ko e.
