By Robert Sanga Haungo
Dated: 22-06-2008
Pathianin Burma ram chu hun rei tak chhung a lo veng him hnuah May 2, 2008 khan mipuitein Nargis thlichhia nasa takin an tuar a ni. Burma ram chauh sawi loh Asia khuamual hian Nargis thlichhia ai ropui thlichhia hi tun hma zawng chuan vawikhat mah a la tawng ngai lo a ni. Nargis thlichhia vangin Burma ram mipui a nuaih telin boralna leh harsatna rapthlak an tuar a ni.
Burma sipai sorkar suaksual takin ramdang atang mipuite tan tanpuina a lak luh duh lawk loh vangin mitam tak chu an thihbelh pah a ni. Burma sipai sorkar chuan mipuite tanpui aiin thuneihna a chelh chhunzawm theihna nan inthlangna buatsaih a ngai pawimawh zawk hi chu a mak ve khawp mai. Khawvelah sipai awpna leh sorkar tha lo tam tak zingah hian Burma sipai sorkar hi a sisual ber a ni. Thuneitu tam zawk hi Kawlkerang pawl an nih vangin Kawltha awm nual mahse Kawlhnam hi chu ka ngaihdan chuan hnamchhiava, hnamchawm leh hnam ngil nei lo tak an ni.
Sorkar puitling pakhat chuan a ramchhung mipuite tan theih ang tawkin thiltha a tihsak tur a ni. Burma sipai sorkar erawh chu mipuite harsat zual ber laiin tanpuina pek hi a tum hran lo a ni. Ramdang atang tanpuina rawn thawn thlengte pawh hlawhkham lo sipai rualtein an zuar ruk vangin kimchang takin mipui hnenah thil a thleng thei lo a ni. Awmna hmun nei lo hmeichhia vakvai thenkhate chu sipai pawl pawngsualnate an tawng thu hi www.changeforburma.org tih website ah hian tarlang a ni.
Kawl sipaitein Chin, Kachin, Karen, Mon leh Shan etc hnam hmeichhiate pawngsual an ching thin zia thu hi www.burmaguide.net ah hian tarlang a ni. A bik takin Karen hnam hian kawl sipai pawl tih duhdahna hi an tuar nasa zual a ni. Tiangin Kawlkerang pawl hian hnam dangte chungah rilru chhia tak an put vangin tuntrum Nargis thlichhia hi hnam dang zawng zawng aiin Kawlin an tuar nasa zual bik niin ka hria tlat a ni.
Pathianin Nargis thlichhia tuartute zawng zawng hnenah thlamuana pein tanpuina pechhuaktute zawng zawng hnenah a letin malsawm rawhse.
